BAKI, 5 sentyabr. TELEQRAF
Yeni mövsümə hazırlaşan “Sumqayıt” heyətini komplektləşdirməyə davam edir.
Klubdan Teleqraf-a verilən məlumata görə, Sumqayıt təmsilçisi amerikalı basketbolçu Si Cey Consu transfer edib.
27 yaşlı oyunçu həm hücumameyilli müdafiəçi, həm də yüngül forvard mövqeyində oynayır.
Qeyd edək ki, karyerasına Alabama ştatının “Birmingem” komandasında başlayan Cons buna qədər Niderland və Kipr çempionatlarında da oynayıb. O, son olaraq Panamanın “Dragones de Don Bosco” klubunda çıxış edib. Si Cey Panama çempionatında hər oyuna orta hesabla 19 xal və 6,3 ribaundla yadda qalıb. O, hətta Panamada “ilin legioneri” mükafatını da qazanıb.
