"Sumqayıt" basketbol komandası daha bir legionerin transferini reallaşdırıb.
Fanat.Az xəbər verir ki, məlumatı "Gənclik şəhəri" təmsilçisinin mətbuat xidməti yayıb.
Amerikalı oyunçu Si Cey Cons növbəti mövsümdə "Sumqayıt"ın formasını geyinəcək.
198 sm boya malik 27 yaşlı oyunçu karyerasına Alabama ştatının "Birmingem" komandasında başlayıb. Cons daha sonra Niderland və Kipr çempionatlarında da oynayıb. O, son olaraq Panamanın "Dragones de Don Bosco" klubunda çıxış edib. O, hətta Panamada "ilin legioneri" mükafatını da qazanıb.
