Finss.az xəbər verir ki, Citigroup müştərilərinin investisiyalarından on milyardlarla dolları ABŞ-da yerləşən BlackRock Inc-ə köçürməklə bankın qalan yeganə aktivlərin idarə edilməsi bölməsini bağlayacaq və sərvətlərin idarə edilməsi bölməsinin daha çox hissəsini boşaltacaq.
Yeni tərəfdaşlığa əsasən, BlackRock Citi Investment Management-də hesabları olan minlərlə müştərinin aktivlərini idarə edəcək. BlackRock artıq Citigroup-un 635 milyard dollarlıq müştəri aktivlərinin bir hissəsini idarə edirdi. Bu müqavilə həmçinin bankın qalan 80 milyard dollar daxili aktivlərini BlackRock-a köçürəcək.
Citigroup Wealth Management prezidenti Endi Sieg Nyu Yorkdakı ofisində Bloomberg-ə verdiyi müsahibədə bildirib ki, onlar platformanın ölçüsünü təkbaşına iki dəfə böyütmək iqtidarında deyillər və BlackRock ilə işləyərək daha güclü mövqedə olacaqlar.
Citigroup-un sərvətlərin idarə edilməsi bölməsinin bir hissəsi olan Citi Investment Management öz yerində qalacaq. Bununla belə, şirkətin qalan özəl sərvət idarəçiliyi əməliyyatı və Robert Jasminski başda olmaqla bəzi portfel menecerləri BlackRock-a keçəcək. Bankın sözçüsü Mark Kostiglionun sözlərinə görə, keçiddə 100-dən az Citigroup işçisi iştirak edəcək.
