Əsas mərhələdə təhlükəsizlik inspektorları, dispetçerlər və stansiya növbətçiləri iştirak edir. Nəticədə, 11 metro xəttindən 9-da hərəkət tam dayandırılıb, 2 xəttdə isə qatarlar ciddi fasilələrlə işləyir. Yalnız 2022-ci ildə açılmış Elizabet xətti və yerüstü xətt qismən fəaliyyətini davam etdirir. Metro 12 sentyabr günorta saatlarından etibarən adi rejimə qayıdacaq. Tətilin səbəbi RMT ilə Londondakı nəqliyyata cavabdeh qurum olan Transport for London (TfL) arasında 9 ay davam edən, lakin nəticəsiz qalan danışıqlardır. Metro işçiləri iş həftəsinin 35 saatdan 32 saata endirilməsini tələb edir. TfL isə maaşların 3,4% artırılmasına razılıq versə də, iş vaxtının qısaldılması ilə bağlı kompromisə getməkdən imtina edib.
Təklifinizi, şikayətinizi bizə yazın. Sizi dinlərik. 055 634 88 31
