Bu gün Azərbaycanın 21 yaşadək futbolçulardan ibarət yığması Avropa çempionatının seçmə mərhələsində ikinci matçını keçirəcək.
Moderator.az xəbər verir ki, yığma Bakıda Bolqarıstan yığmasını qəbul edəcək.
"Liv Bona Dea Arena"da saat 18:00-da start götürəcək qarşılaşmanı albaniyalı FIFA referisi Florian Lata idarə edəcək.
U-21-i meydana baş məşqçi Ayxan Abbasovun köməkçisi Elnur Çodarov çıxaracaq.
Hazırda B qrupunda Portuqaliya millisi 3 xalla liderdir. Eyni xala malik Bolqarıstan ikinci, Çexiya üçüncüdür. Xal hesabını aça bilmıəyən kollektivlərdən Şotlandiya dördüncü, Cəbəllütariq beşinci, Azərbaycan millisi altıncı pillədə qərarlaşıb.
Qeyd edək ki, U-21 seçmə mərhələdəki ilk görüşündə sentyabrın 5-də səfərdə Portuqaliya yığmasına 0:5 hesabı ilə məğlub olub
