Rusiyada məhkəmə Azərbaycanın vəsatəti əsasında respublikada terrorçuluq məqsədilə təlimlər keçirmək, cinayətkar birlik təşkil etmək, silahlı birləşmələr və ya qruplar yaratmaqda təqsirləndirilən şəxsi həbs edib.
KONKRET.az axaraz-a istinadən xəbər verir ki, bu barədə “RİA Novosti” məhkəmə materiallarına istinadən məlumat yayıb.
Məlumata görə, həmin şəxs Azərbaycanda qiyabi həbs olunaraq axtarışa verilib:
“Azərbaycan tərəfdən lazımi təsdiqlər vaxtında alınıb və daha sonra Rusiya hüquq-mühafizə orqanlarının əməkdaşları xarici həmkarlarına həmin şəxsin saxlanılması barədə məlumat verib. Moskva məhkəməsi təqsirləndirilən şəxsi həbs edib”.
Materiallarda onun hansı ölkənin vətəndaşı olduğu göstərilmir.
