Ayaq göbələyi adətən ayaq barmaqları arasında, daban və pəncədə patogen göbələklər tərəfindən törədilən və mikoz adlanan xəstəlikdir. Adətən onixomikoz adlanan dırnaq göbələyi ilə birgə müşahidə olunur. İnsanlar arasında çox geniş yayılmış və yoluxma riski yüksək olan bu xəstəliyə statistik olaraq hər beş adamdan birində rastlanır. Ayaq göbələyi isti və rütubətli ictimai yerlərdə, misal olaraq hovuzlarda, hamamlarda, spa-salonlarında, otellərdə gigiyena qaydalarına riayət etmədikdə, ayaqyalın gəzdikdə daha çox yayılır.
Göbələk xəstəliyinin növləri
Ayaq göbələkləri, müxtəlif növ və simptomlarla xarakterizə oluna bilən bir infeksiya növüdür. Bu göbələk növləri arasında ən çox rast gəlinənlər aşağıdakılardır:
Barmaq arası göbələk
Bu göbələk növü, ayaq göbələyinin ən yayılmış növüdür və adətən ayaqların ən kiçik barmaqlarının arasında meydana gəlir. Bu cür, qaşınma, yanma, dəri pullanması və ayaq dabanına qədər yayılabilən infeksiyaya səbəb ola bilər.
Makosen
Bu cür, ayaqlarda qıcıqlanma, quruluq və qaşınmaya səbəb olur. Dərinin pullanması ilə müşayiət olunur və göbələk müalicə edilmədikdə dəri qalınlaşır və çatlaya bilər.
Qabarcıqlı
Bu, ayaq göbələyi növləri arasında ən az rast gəlinən növüdür. Əsasən, ayağın altındakı dəridə su toplanması və qabarcıqların birdən partlaması ilə xarakterizə olunur. Müalicə edilməzsə, barmaq arasında, dabanında, ayağın alt və ya üst hissəsində də meydana gələ bilər.
