BAKI, 10 sentyabr. TELEQRAF
Özbəkistanda xarici dillərin tədrisi sistemi genişlənir. Yeni təşəbbüsə əsasən, ölkənin ali təhsil müəssisələrində, texnikumlarda, ümumtəhsil məktəblərində Çin dili mərhələli şəkildə tətbiq olunacaq.
Teleqraf xəbər verir ki, bu barədə Özbəkistan KİV məlumat yayıb.
Prezident Şavkat Mirziyoyevin Çinə səfəri zamanı bir sıra strateji sazişlər imzalanıb. Bunlara enerji, geologiya, kimya, nəqliyyat, kənd təsərrüfatı və su təsərrüfatı sahələrində iri şirkətlərlə əməkdaşlıq çərçivəsində 35 milyard dollar dəyərində perspektivli layihələr paketi daxildir.
Belə layihələrin həyata keçirilməsi üçün yüksək ixtisaslı kadrlar tələb olunur. Qeyd olunub ki, xüsusən də müasir texnologiyaların mənimsənilməsini bacaran, Çin dilini mükəmməl bilən mütəxəssislərə ciddi ehtiyac var.
Bu məqsədlə hər regionda iki Özbəkistan-Çin müəssisəsi yaradılacaq. Bu seminarlarda peşəkar sahələr üzrə praktiki təlimlərin keçirilməsi, qabaqcıl texnologiyaların öyrədilməsi, iki ölkənin təcrübəsinin tətbiqi nəzərdə tutulur.
Bu dildə danışan 100-dən çox könüllü müəllim də Çin dilinin tədrisi prosesində iştirak edəcək. Onlar yerli müəllimlərlə birgə müasir proqramlar əsasında kurslar keçəcəklər.
