Dünya ulduzu Riki Martinin Beverli Hillsdəki keçmiş malikanəsi 50 milyon dollara satılır.
7News.Az xarici mətbuata istinadən xəbər verir ki, təxminən 855 kvadratmetr sahəsi olan, 1956-cı ildə tikilmiş və bu yaxınlarda təmir edilmiş malikanə əvvəlcə 75 milyon dollara satışa çıxarılsa, da sonradan qiymətdə endirim olunub.
Toskana tipli evdə qonaq, 6 yataq, paltardəyişmə, iki vanna otağı və həmçinin terras var. Habelə malikanədə ev kinoteatrı, qonaq evi, hovuz və uşaq meydançası da mövcuddur.
Riki Martindən başqa, əvvəllər evə sahib olan məşhurlar arasında amerikalı aktrisa Doris Day və ingilis aktyor Maykl Keyn də yer alıb.
