ain.az bildirir, Bakupost portalına istinadən.
“Ağızla nəfəs alan uşaqlarda çox qısa müddətdə üz forması dəyişir. Siz elə bilirsiniz ki, ağızla nəfəs almaq sadəcə bir vərdişdir? Yox. Bu, yavaş gedən bir fəlakətdir”.
Bakupost.az xəbər verir ki, bu fikirləri lor, üz-estetik cərrahı dr. Qəhrəman Qəhrəmanov səsləndirib.
“Burun susur, ağız işləyir və üz forması dəyişir. Çənə daralır, dişlər sıxlaşır və üz uzanır. Beyin az oksigen alır, uşağın davranışı dəyişir, aqressivləşir və tam başqa bir uşağa çevrilir. Əgər siz düşünürsünüz ki, bizdə belə olmaz, tamamilə yanılırsınız”,- deyə həkim vurğulayıb.
Q.Qəhrəmanovun sözlərinə görə, burunla pis nəfəs alan uşaqların çoxu artıq bu mərhələyə çatıb:
“Bunu dayandırmaq mümkündür. Uşağın burnu daim açıq olmalıdır. Allergiya, polip, adenoidlər və ya qısa tutulmalar varsa, vaxtında həkimə göstərin. Uşağa gündəlik burun təmizliyi öyrədin. Burunla nəfəs alma vərdişini bərpa edin, çünki yalnız burun nəfəsi həm üzü, həm də gələcək sağlamlığını qoruyur”.
Lalə Novruz,
BakuPost
Daha ətraflı məlumat və yeniliklər üçün ain.az saytını izləyin.
