Dünən DÇ-2026-nın seçmə mərhələsində keçirilən oyunlar maraqlı nəticələrlə yadda qaldı. Bakı Olimpiya Stadionunda Azərbaycan millisi Ukrayna ilə üz-üzə gəldi. Gərgin qarşılaşma 1:1 hesabı ilə başa çatdı. Bu, Ayxan Abbasovun baş məşqçi kimi ilk oyunu idi və millimiz qrupda mühüm bir xal qazandı.
Günün ən möhtəşəm nəticəsi Norveçdən gəldi. Erling Haaland beş, Thelo Aasgaard isə dörd qol vuraraq Moldovaya qarşı 11:1 hesablı tarixi qələbədə əsas pay sahibi oldular.
Portuqaliya - Macarıstan görüşü də dramatik anlarla yadda qaldı. Cristiano Ronaldo penaltidən qol vuraraq seçmə mərhələlərdə rekord sayda - 39-cu qolunu qeyd etdi. Son dəqiqədə Joao Cancelo fərqlənərək komandasına 3:2 hesablı qələbə qazandırdı.
İngiltərə isə Serbiyaya aman vermədi. “Üç şir”lər Harry Kane və digər futbolçuların qolları ilə 5:0 hesablı inamlı qələbə əldə etdilər.
Azərbaycan millisinin də yer aldığı D qrupunda keçirilən Fransa-İslandiya oyunu isə Fransanın 2:1 çətin qələbəsi ilə başa çatıb.
Beləliklə, 9 sentyabr oyunları həm bol qolları, həm də dramatik anları ilə futbol azarkeşlərinin yaddaşında iz qoydu. Azərbaycan isə Ukraynaya qarşı heç-heçə ilə seçmə mərhələdə mübarizəsini davam etdirdi.
Sultan Məmmədli
Musavat.com
