"Opta Sports"un superkompüter hesablamalarına görə, "Liverpul" 2025/26 mövsümündə Çempionlar Liqasının əsas favoritidir.
Publika.az xəbər verir ki, İngiltərə klubunun kuboku qazanmaq şansı 20,4% olaraq dəyərləndirilib.
Mersisaydlıların 1/4 finala yüksəlmə ehtimalı 72,7%, yarımfinala çıxma şansı 51,5%, finala qədər irəliləmə ehtimalı isə 34% təşkil edir.
Statistik platformanın versiyasına görə, ikinci favorit "Arsenal" (16%), üçüncü isə PSJ-dir (12,1%). "İlk onluq"da həmçinin "Mançester Siti", "Barselona" (hər ikisi — 8,4%), "Çelsi" (7%), "Real" (5,8%), "Bayern" (4,3%), "İnter" və "Nyukasl" (hər ikisi — 3%) yer alıb.
