Yeniavaz saytından əldə olunan məlumata görə, ain.az məlumat yayır.
Xəbər verdiyimiz kimi, Parisdə və Fransanın bir çox başqa şəhərlərində etiraz aksiyaları keçirilir.
Yeniavaz.com xəbər verir ki, Fransa Daxili İşlər Nazirliyinin məlumatına görə, səhər saatlarında 430 etiraz aksiyası qeydə alınıb - 273 mitinq və 157 nəqliyyat və müəssisələrin qarşısını almaq cəhdi.
İlkin məlumatlara görə, aksiyalarda 29 min insan iştirak edir. Daxili İşlər Nazirliyi 300-ə yaxın adamın saxlanıldığını, onlardan 185-inin Parisdə olduğunu bildirib. Fransa boyu etiraz aksiyalarında 100 minə qədər insanın iştirak edəcəyi gözlənilir.
Renn şəhərində etirazçılar magistral yolu bağlayıb və bir neçə avtobusu yandırıblar. Parisin bir neçə yerində etiraz aksiyaları keçirilir. Yüzə yaxın insan “Makron, istefa!” şüarları səsləndirib.
“Le Parisien” yazır ki, 400-ə yaxın etirazçı Parisdə Lion vağzalının foyesinə daxil olub. Etirazda dəmiryolçular da iştirak edir. Onlar həmçinin Fransa Prezidenti Emmanuel Makronun istefasını tələb edən şüarlar səsləndirirlər.
Nantda etirazçılarla polis toqquşub, polis nümayişçiləri dağıtmaq üçün gözyaşardıcı qazdan istifadə edib.
Etirazları “Hər şeyi blokla” hərəkatı təşkil edib. O, Fransanın keçmiş baş naziri Fransua Bayru hökumət xərclərini əhəmiyyətli dərəcədə azaltmaq planını təqdim etdikdən sonra tətillər, boykot və nümayişlərə çağırıb. Sentyabrın 8-də Fransa Milli Assambleyası Fransua Bayruya etimadsızlıq səsverməsi keçirib. Onun hökuməti doqquz ay hakimiyyətdə qaldıqdan sonra istefa verir.
Ertəsi gün Emmanuel Makron müdafiə naziri Sebastyen Lekornyunu hökumətin yeni başçısı təyin etdi. Bloomberg qeyd edir ki, 2026-cı il büdcəsinin qəbulu onun ilk böyük sınağı olacaq.
Ən son xəbərləri və yenilikləri almaq üçün ain.az saytını izləyin.
