.jpg)
Azərbaycanın 21 yaşa qədər futbolçulardan ibarət milli komandası AÇ-2027-nin seçmə mərhələsində ilk xalını qazandı.
Ötən cümə günü səfərdə Portuqaliyaya 0:5 hesabı ilə uduzan “gənclər” doğma meydanda Bolqarıstanla bərabərə qaldı – 1:1.
AFFA rəhbərliyi bolqarlarla matçdakı mümkün qələbə üçün U-21-ə mükafat fondu təyin etmişdi - əsas heyətdə meydana çıxanların hər birinə 5 min manat.
Lakin bu, mümkün olmadığından, “11-lik”də forma şansı qazananlar 2500, sonradan meydana daxil olanlar göstərilən məbləğin 75, sona qədər ehtiyatda oturanlar isə 50 faizini əldə edəcəklər.
Ayxan Abbasovun rəhbərlik etdiyi kollektiv növbəti görüşlərini oktyabrın 10-da səfərdə Çexiyaya, Bakıda Şotlandiyaya qarşı keçirəcək.
HƏBİB / SPORTİNFO.AZ
