İstanbul Küçükçekmece Cumhuriyyət Prokurorluğunun apardığı istintaq çərçivəsində Can Holding-ə qarşı genişmiqyaslı əməliyyat həyata keçirilib.
Marja xəbər verir ki, əməliyyat nəticəsində holdingin rəhbərlərindən Mehmet Şakir Can, Kemal Can və Kenan Tekdağ da daxil olmaqla 8 yüksək vəzifəli şəxs üçün saxlanma qərarı verilib.
Əməliyyat zamanı Can Holding-ə məxsus 121 şirkətə həbs qoyulub, bunlar arasında media qurumları Habertürk, Show TV və Bloomberg HT də yer alır.
İstintaq zamanı yönəldilən ittihamlar arasında “cinayətkar təşkilat yaratmaq”, “qaçaqmalçılıq”, “dələduzluq” və “çirkli pulların yuyulması” halları yer alıb.
