Qarabağ və Şərqi Zəngəzurda 7 məktəbəqədər təhsil müəssisəsi fəaliyyət göstərir.
“İki sahil” xəbər verir ki, bunu elm və təhsil naziri Emin Əmrullayev yeni tədris ilinə dair keçirilən brifinqdə deyib.
Onun sözlərinə görə, 82 nəfərlik tərbiyəçi-müəllim heyətinə malik bu müəssisələrdə 243 uşaq təhsil alır.
Nazir bildirib ki, bu il Qarabağ və Şərqi Zəngəzurda daha 6 məktəbəqədər təhsil müəssisəsinin fəaliyyətə başlaması gözlənilir.
