Bakı, 11 sentyabr, AZƏRTAC
Avropa İttifaqının xarici siyasət və təhlükəsizlik məsələləri üzrə ali nümayəndəsi Kaya Kallas hesab edir ki, Ukrayna münaqişəsi yaxın bir neçə il ərzində başa çatmayacaq.
AZƏRTAC xəbər verir ki, Kaya Kallas bu barədə EFE agentliyi də daxil olmaqla bir qrup media nümayəndəsinə müsahibəsində deyib.“Düşünürəm ki, real ssenari ondan ibarətdir ki, müharibə daha bir neçə il davam edəcək”, – deyə siyasətçi bildirib. O, təəssüflə qeyd edib ki, sülhün əldə olunması istiqamətində, o cümlədən ABŞ Prezidenti Donald Trampın səyləri heç bir nəticə verməyib.
Kaya Kallasın fikrincə, ən bədbin ssenariyə görə, Ukrayna öz ərazilərinin bir hissəsindən imtina etməyə məcbur ola bilər.
