Müntəzəm olaraq xiyar yemək sağlamlığı nəzərəçarpacaq dərəcədə gücləndirə bilər. Xiyar həm yüngül qəlyanaltı, həm də salatlara, soyuq şorbalara və ya içkilərə əlavə kimi əla seçimdir.
Botanika baxımından giləmeyvə sayılır, amma mətbəxdə tərəvəz kimi istifadə olunur və həm giləmeyvənin, həm də tərəvəzin üstünlüklərini özündə birləşdirir. O, vitaminlər, minerallar və orqanizmin normal fəaliyyəti üçün lazım olan su ilə zəngindir.
Moderator.az Lent.az-a istinadla bu 8 üstünlüyü sizə təqdim edir:
Xiyarın əsas faydaları
1. Sümüklərin sağlamlığını dəstəkləyir
Xiyar K vitamini ilə zəngindir. Bu vitamin kalsiumun mənimsənilməsinə və möhkəm sümük toxumasının formalaşmasına kömək edir. Bir ədəd təzə xiyar gündəlik normanın 40%-ni ödəyir. Bu da osteoporoz və sınıq riskini, xüsusən də menopauza dövründə qadınlarda, azalda bilər.
2. Nəfəsin təravəti
Yüksək su və lif tərkibi ağız quruluğunu azaldır – bu da xoşagəlməz qoxunun səbəblərindən biridir. Üstəlik, fitonutrientlər antibakterial xüsusiyyətə malikdir və ağızdakı mikrobları azaldır.
3. Təzyiqi aşağı salır
Tədqiqatlar göstərib ki, xiyar şirəsi təzyiqin normallaşmasına kömək edir. Yüksək kalium tərkibi su-duz balansını tənzimləyir və ürək-damar sistemini qoruyur.
4. Şəkərli diabetin profilaktikası
Xiyarın qlikemik indeksi aşağıdır (təxminən 15). Ona görə də diabet riski olan insanlar üçün təhlükəsiz məhsuldur. Qanda şəkərin səviyyəsini sabitləşdirir və insulinə davamlılığı azaldır.
5. Orqanizmin nəmlənməsi
Xiyarın 95 faizi sudan ibarətdir. Yayda susuzlaşma riskinin yüksək olduğu vaxtlarda xüsusilə faydalıdır. Bir orta ölçülü xiyar kiçik stəkan suyun yerini tuta bilər.
6. Çəkinin idarəsi
Çox az kalorili (100 qramda cəmi 16 kkal) olan xiyar həm həcm, həm də su sayəsində toxluq hissi yaradır. Diyet yeməklərinə, qəlyanaltılara və ya smuzilərə əlavə etmək olar – fiqur üçün təhlükə yaratmır.
7. Həzm sistemini yaxşılaşdırır
Xiyarın lif və toxumları bağırsaqların yumşaq şəkildə işləməsinə kömək edir və qəbizliyin qarşısını alır. Bu xüsusilə oturaq həyat tərzi keçirən insanlar üçün faydalıdır.
8. Şişkinliklə mübarizə aparır
Xiyarın tərkibindəki kalium artıq mayeni orqanizmdən çıxarır və ödemi azaldır. Bu, maye toplanmasına və şişkinliyə meyilli insanlar üçün faydalıdır.
Əlavə üstünlüklər
Dəri üçün təzə dilimlərdən hazırlanan maska və kompreslər göz altındakı şişləri azaldır, dərini təravətləndirir və iltihabı aradan qaldırır. Sinir sistemi üçün tərkibindəki B qrup vitaminləri əsəb sisteminin fəaliyyətində iştirak edir və stressi azaldır.
Xiyarı gündəlik rasiona daxil etmək sağlamlığı qorumağın, enerjini artırmağın və ümumi vəziyyəti yaxşılaşdırmağın sadə yoludur.
