BAKI, 12 sentyabr. TELEQRAF
İsrail hakimiyyəti əmindir ki, istədiyi hər şeyi edə bilər.
Teleqraf xəbər verir ki, bu bəyanatla Qətərin baş naziri şeyx Məhəmməd bin Əbdülrəhman bin Casim Al Tani BMT Təhlükəsizlik Şurasının iclasında çıxış edib.
“İstədiyi hər şeyi etmək üçün immunitetə malik olduğuna əmin olan İsrail təkəbbürlü davranış nümayiş etdirir”, - o bildirib.
Nazirin sözlərinə görə, İsrail hakimiyyəti ekstremist ideyaların təsiri altında Yaxın Şərqi güc yolu ilə dəyişdirməyə cəhd edir və daim regionda sabitliyi pozur.
