1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Hökumət hərbçilərin tövsiyələrinə əməl edərsə, Danimarka ölkə tarixindəki ən bahalı silah partiyasını ala bilər.
Oxu.Az xəbər verir ki, bu barədə TV2 telekanalı məlumat yayıb.
Söhbət Avropa istehsalçılarının səkkiz yerüstü hava hücumundan müdafiə sistemindən gedir. Onların ümumi dəyəri 8.3 milyard dollardır. Danimarka Silahlı Qüvvələri hökumətə iki uzaqmənzilli sistem və altı ortamənzilli sistem almağı təklif edir.
"Əgər siyasətçilər bunu dəstəkləsələr, bu, Danimarka tarixində ən böyük silah alışı olacaq", - deyə hesabatda bildirilib.
