Türkiyənin Samsun şəhərinin Canik rayonunda tələbə xidməti mikroavtobusuna naməlum şəxslər tərəfindən ov tüfəngindən atəş açılıb.
Manset.az-ın əldə etdiyi məlumata görə, hadisə nəticəsində sürücü Aydın A. və onun qızı Elvin A. müxtəlif dərəcəli bədən xəsarətləri alıblar.
Sürücü Aydın A., qızı Elvin A. ilə birlikdə 55 AK 403 nömrəli tələbə mikroavtobusu ilə yola çıxıb. Mikroavtobus Canik rayonu ərazisindən keçərkən meşəlik ərazidən ov tüfəngindən atəş açılıb. Aydın A. sol qolundan qranullarla yüngül yaralanıb, qızı Elvin A. isə yerdən səpilən cisimlə sol ayağından sıyrılıb.
Hadisə yerinə təcili tibbi yardım və hüquq-mühafizə orqanlarının əməkdaşları cəlb edilib. Yaralılara ilkin tibbi yardım göstərildikdən sonra onlar Samsun Təhsil və Araşdırma Xəstəxanasına yerləşdirilib.
