“Everton”un yarımmüdafiəçisi Cek Qriliş Premyer Liqada avqust ayının ən yaxşı oyunçusu seçilib.
Publika.az xəbər verir ki, avqustda 30 yaşlı Cek Qriliş İngiltərə çempionatında üç oyun keçirib. O, “Lids Yunayted”lə qarşılaşmada (0:1) 71-ci dəqiqədə əvəzetmədən meydana daxil olub. “Brayton” (2:0) və “Vulverhempton”la (3:2) matçlarda ilk dəqiqələrdən meydanda olub. Cek Qriliş bu oyunlarda dörd məhsuldar ötürmə edib.
“Everton” İngiltərə Premyer Liqasında 6 xalla altıncı, “Liverpul” isə 9 xalla birincidir.
