“Nar” mobil operatorunun ali məktəblərə qəbul imtahanlarında ən yüksək nəticə göstərən abituriyentlər üçün təşkil etdiyi ənənəvi layihədə bu il SOCAR-ın Bakı Ali Neft Məktəbinin (BANM) 4 tələbəsi də yer alıb.
Doğru.az xəbər verir ki, ölkə üzrə ən yüksək bal toplayan 10 abituriyentin mükafatlandırıldığı mərasimdə BANM tələbələri Müşfiq Əlili (698,3 bal), Alı İsmayılov (697,5 bal), Rəhim Fərəczadə (697 bal) və Əbülhəsən Məmmədov (696,7 bal) olub. Onlar İnformasiya təhlükəsizliyi ixtisasında təhsil alacaqlar.
BANM-in rektoru Elmar Qasımov mərasimdə çıxış edərək “Nar”ın təşəbbüsünü yüksək qiymətləndirib və bu addımın tələbələr üçün böyük motivasiya yaratdığını bildirib. Rektor həmçinin qeyd edib ki, ölkə üzrə ən yüksək nəticə göstərmiş 10 abituriyentdən 4-nün BANM-i seçməsi universitetin nüfuzunu və təhsil mühitinin keyfiyyətini təsdiqləyir.
DOĞRU.AZ
