Əməkdar artist, Bakı Bələdiyyə Teatrının aktyoru Rafiq İbrahimovun ölümündən bir il ötür.
Axşam.az xəbər verir ki, yaxınları, ailəsi və dostları Balaxanı qəsəbəsində mərasim evinə yığışaraq onun xatirəsini yad ediblər.
Aktyorun qızı, jurnalist Nisə Rzayeva "Atam xəstə yatdığı gündən sənət dostları, Bakı Bələdiyyə Teatrının rəhbəri Aynur xanım və kollektiv hər zaman ona istər maddi, istərsə də mənəvi cəhətdən dəstək oldular. Bu günə kimi də atamı teatrda xatırlayır, yad edirlər. İldönümündə atamı yad edən hər kəsə öz dərin təşəkkürümü bildirirəm" deyərək, atasını yad edib.
