BAKI, 14 sentyabr. TELEQRAF
Ağ Ev ABŞ Prezidenti Donald Tramp və Çin sədri Si Cinpin arasında bir sıra məsələlərdə razılığın əldə olunmadığı üçün Pekində görüş keçirilməsi təklifinə cavab verməyib, ona görə də onların danışıqları Cənubi Koreyada keçiriləcək Asiya-Sakit Okean İqtisadi Əməkdaşlıq Təşkilatının (APEC) sammitində daha az rezonans doğura bilər.
Teleqraf xəbər verir ki, bu barədə Britaniyanın Financial Times (FT) qəzeti mənbələrə istinadən məlumat yayıb.
Onların fikrincə, ABŞ və Çin ticarət məsələləri, o cümlədən fentanilin istehsalında istifadə olunan kimyəvi maddələrin ixracı ilə bağlı hələlik razılığa gələ bilməyiblər ki, bu da Donald Tramp və Si Cinpin arasında Pekində görüş şansını azaldıb.
ABŞ-nin Ticarət Nümayəndəsinin keçmiş müavini Wendy Cutler deyib ki, ABŞ və Çinin Trampın Pekinə getməsinə icazə verəcək ticarət razılaşması əldə etmək üçün kifayət qədər vaxtı olmayıb.
Ağ Evin Çin məsələləri üzrə keçmiş yüksək rütbəli rəsmisi Sarah Beran deyib ki, Si Cinpin və Donald Trampın dəqiq harada görüşəcəyi hələ dəqiq deyil.
