ABŞ dövlət katibi Marko Rubio İsrailə səfər edib.
Hakimiyyet.az xəbər verir ki, səfər çərçivəsində o, ölkənin siyasi rəhbərliyi ilə bir sıra görüşlər keçirəcək.
İsrail mediasının məlumatına görə, səfər ABŞ-la İsrail arasında münasibətlərin gərginləşdiyi bir vaxtda baş tutur. Gərginliyin əsas səbəbi İsrail HHQ-nin Dohada HƏMAS-ın qərargahına endirdiyi zərbə olub.
Rubionun həmçinin girovların ailələri ilə də görüşü nəzərdə tutulur. ABŞ dövlət katibinin İsraildəki səfəri 16 sentyabra qədər davam edəcək.
