"Real"ın mərkəz müdafiəçisi Antonio Rüdiger hələ də Səudiyyə Ərəbistanı çempionatının klublarının transfer hədəfləri siyahısındadır.
Manset.az xəbər verir ki, son vaxtlar alman oyunçu tez-tez klubdan ayrılacağı xəbərləri ilə gündəmə gəlir.
32 yaşlı futbolçu Xabi Alonso rəhbərliyi altında əsas heyətdə sabit yerə sahib deyil və yaxınlarda ciddi zədə alıb və bu səbəbdən dekabr ayına qədər meydandan kənarda qalacağı gözlənilir.
İnsayder Fabritsio Romanonun məlumatına görə, Səudiyyə klubları Rüdigeri hədəfə alıblar. Onlar Antonionu bir neçə ildir izləyir və dəvət etməyə maraqlıdırlar. Yanvardan etibarən Rüdiger potensial sərbəst danışıqlar apara biləcək. Hazırda müdafiəçi diqqətini yalnız “Real”a yönəldib.
