Hürriyet qəzetinə müsahibəsində Yerxov qeyd edib ki, regiondan kənar oyunçuların iştirakı Cənubi Qafqazda yeni bölücü xətlərin yaranmasına səbəb olmamalıdır. Bu, xüsusilə nəqliyyat kommunikasiyalarının açılması məsələsinə də aiddir.
"Cənubi Qafqazda mürəkkəb və ziddiyyətli proseslər gedir və burada həm Rusiya, həm də Türkiyə mühüm, dinamik rol oynamaqda davam edir. Moskva və Ankara bu bölgədə sabitlik və firavanlıq zonasının formalaşmasında eyni dərəcədə maraqlıdır, təhlükəsizliyi və qarşılıqlı faydalı əməkdaşlığı dəstəkləyir. Bunun əsasında isə Ermənistan və Azərbaycan arasında imzalanmalı olan sülh sazişi dayanmalıdır. Hazırda o yalnız paraflanıb, hələ imzalanmayıb", - deyə Yerxov vurğulayıb.
Diplomat həmçinin bildirib ki, müzakirə olunan layihələr və ssenarilərlə bağlı hələ də bir çox məqamlar aydın deyil: "Kim, nəyi, necə və nə vaxt edəcək - bu suallara çoxlu cavabsız məqamlar qalır. Eyni zamanda, Ermənistanın Avrasiya İqtisadi İttifaqının vahid gömrük məkanında üzvlüyünün bu məsələlərə, o cümlədən ölkə ərazisindən keçən tranzit yükdaşımalarına necə təsir göstərəcəyi də önəmli məsələdir".
