Milli Məclisin Səhiyyə komitəsinin payız sessiyası üzrə ilk iclası keçirilir.
Operativ Media xəbər verir ki, iclasın gündəliyinə ilk olaraq Milli Məclisin 2025-ci il yaz və növbədənkənar sessiyaları dövründə Səhiyyə komitəsində görülən işlər barədə hesabat daxil edilib.
Həmçinin Milli Məclisin Səhiyyə komitəsinin 2025-ci ilin payız sessiyası üçün iş planının layihəsi də gündəliyə əlavə olunub.
Bundan əlavə “Tibbi sığorta haqqında” Qanunda dəyişiklik edilməsi barədə Azərbaycan Respublikası qanununun layihəsi (birinci oxunuş),
“Müstəqil Dövlətlər Birliyinin iştirakçısı olan dövlətlərin ictimai səhiyyə sahəsində sanitariya-epidemioloji xarakterli fövqəladə vəziyyətlərin qarşısının alınması və cavab tədbirləri üzrə əməkdaşlığı haqqında Saziş”in təsdiq edilməsi barədə Azərbaycan Respublikası qanunu,
“Yetkinlik yaşına çatmayanların işləri və hüquqlarının müdafiəsi üzrə komissiyalar haqqında Əsasnamənin təsdiq edilməsi barədə” Azərbaycan Respublikasının Qanununda dəyişiklik edilməsi haqqında” Azərbaycan Respublikasının 2024-cü il 27 dekabr tarixli 113-VIIQD nömrəli Qanununun icrası ilə əlaqədar bəzi qanunlarda dəyişiklik edilməsi barədə Azərbaycan Respublikası qanununun layihəsi də müzakirəyə çıxarılıb.
