UEFA Çempionlar Liqasının Liqa mərhələsinin 1-ci turunda səfərdə "Benfika"nı 3:2 hesabı ilə məğlub edən "Qarabağ"ın yarımmüdafiəçisi Marko Yankoviçin son durumu bəlli olub.
Fanat.Az Ağdam təmsilçisinin mətbuat xidmətinə istinadən xəbər verir ki, Lissabondakı matçın 77-ci dəqiqəsində zədələnərək meydanı tərk edən monteneqrolu futbolçu bu gün tibbi müayinədən keçəcək.
Hərçənd həkimlərin ilkin rəylərinə əsasən Markonun zədəsi ciddi deyil və o, qitənin ən mötəbər klub turnirinin 2-ci turunda "Kopenhagen"ə qarşı oynaya biləcək.
Qeyd edək ki, "Qarabağ" - "Kopenhagen" qarşılaşması oktyabrın 1-də keçiriləcək.
