Qaynarinfo saytından alınan məlumata görə, ain.az bildirir.
Ukrayna Ali Radası Kiyevlə Böyük Britaniya və Şimali İrlandiya Birləşmiş Krallığı arasında yüzillik tərəfdaşlıq haqqında sazişi ratifikasiya edib.
Qaynarinfo xəbər verir ki, sənədin şərtlərinə görə, London Kiyevə 2031-ci ilə qədər hər il ən azı 3,6 milyard funt-sterlinq (4 milyard avrodan çox) dəyərində hərbi yardım göstərməyi öhdəsinə götürür.
Müvafiq Qanun təhlükəsizlik, müdafiə, iqtisadiyyat, elm, texnologiya və mədəni əlaqələri əhatə edən ikitərəfli əməkdaşlıq üçün yeni uzunmüddətli çərçivə yaradır. Bu sazişi hələ 2025-ci ilin yanvarında Ukrayna prezidenti Volodimir Zelenski və Böyük Britaniyanın baş naziri Kir Starmer imzalayıb. O, hərbi dəstəyin əhəmiyyətli dərəcədə artırılmasını nəzərdə tutur - Böyük Britaniya Ukraynaya 2030/31 maliyyə ilinə qədər və ondan sonra ehtiyac olduqda hər il ən azı 3,6 milyard funt sterlinq dəyərində hərbi yardım göstərməyi öhdəsinə götürür.
Qeyd edək ki, sentyabrın 17-nə 1 funt sterlinq 1,16 avroya bərabərdir. Beləliklə, 3,6 milyard funt sterlinq təxminən 4,18 milyard avrodur.
"Bura Ukrayna hərbçilərinin təlimi, pilotların dəstəklənməsi, hərbi təyyarələrin tədarükü, müdafiə təyinatlı məhsulların, pilotsuz təyyarələrin, artilleriya istehsalı sahəsində əməkdaşlığın genişləndirilməsi, həmçinin Birləşmiş Ekspedisiya Qüvvələri kimi birgə ekspedisiya qarşılıqlı fəaliyyət formatlarına cəlb olunması daxildir", deyə məlumatda bildirilir.
Saziş müdafiə komponentinə əlavə olaraq, enerji sahəsində, xüsusilə də yaşıl enerji və kritik minerallar sahəsində, ölkələr arasında texnoloji inkişaf, elmi tədqiqatlar, kənd təsərrüfatı texnologiyaları, pilotsuz təyyarələrin tikintisi, habelə mədəni, təhsil və humanitar sahələrdə əməkdaşlıq üzrə öhdəlikləri özündə əks etdirir.
Bundan əlavə, sənəd təhlükə və ya təcavüz zamanı tərəflər arasında məsləhətləşmələrin aydın mexanizmlərini və dəniz təhlükəsizliyinə yanaşmaları nəzərdə tutur.
Ukraynanın Böyük Britaniyadakı səfiri Valeri Zalujnı "Telegram"da qeyd edib ki, saziş Ukraynanın Qərb dünyasına inteqrasiyasını və regional sabitlik mərkəzinə çevrilməsini ifadə edən unikal sənəddir.
"Böyük Britaniya üçün bu, Şərqi Avropadakı mövqelərinin, yeni bazarların möhkəmlənməsi və beynəlxalq hüququn və demokratiyanın keşiyində dayanan ölkə statusunun təsdiqidir. Dünya üçün isə bu, təcavüzün qurbanına çevrilmiş ölkəyə necə dəstək veriləcəyinə dair presedentdir. Həm də təkcə silahla deyil", deyə Zalujnı yazıb.
Aydın
Ən son xəbərləri və yenilikləri almaq üçün ain.az saytını izləyin.
