Avropa Rusiyanın dondurulmuş aktivlərini müsadirə etmədən Kiyevə köçürməyin yolunu tapıb.
“Financial Times” (FT) öz mənbələrinə istinadla yazır ki, Aİ liderləri Ukraynaya Rusiyanın dondurulmuş aktivlərinə rəsmi şəkildə müsadirə etmədən girişin verilməsinin mümkün sxemlərini araşdırır.
Jurnalistlərin öyrəndiyi kimi, nəzərdən keçirilən sxemlərdən biri Belçikanın “Euroclear” mərkəzi qiymətli kağız depozitarında dondurulmuş Rusiya fondları ilə faizsiz Aİ istiqrazlarının alınmasını nəzərdə tutur. Nəticədə, Rusiya rəsmi olaraq kapitalını indi avrobond şəklində saxlayacaq və istiqrazların alışına sərf olunan Rusiya vəsaiti bir neçə tranşla Ukraynaya köçürüləcək.
İki məlumatlı mənbəyə görə, “Euroclear”-da saxlanılan 194 milyard avroluq Rusiya aktivindən təxminən 170 milyard avronun müddəti başa çatıb və hazırda “Euroclear”-ın balansında likvid valyuta kimi saxlanılır.
“Financial Times” qeyd edir ki, keçən həftə Avropa Komissiyasının sədri Ursula fon der Leyen Ukraynaya kreditlərin təzminatının köçürülmə ideyasını dəstəkləyib: Rusiya vəsaitləri Ukraynaya köçürüləcək və yalnız Moskva Kiyevə təzminat ödədikdən sonra Rusiyaya qaytarılacaq. O, bu pulun Ukraynaya müharibədən sonra deyil, indi kömək edəcəyini vurğulayıb.
“Financial Times” yazır: “Brüssel sülh danışıqları perspektivlərinin sönməsi, Rusiya Ukraynadakı maksimalist məqsədlərinə sadiq qalması və Tramp administrasiyasının Moskvaya iqtisadi təzyiqi artırmaq və ya Ukraynanın hərbi potensialını artırmaq istəmədiyi bir vaxtda təklif üzərində texniki işi gücləndirib”.
