ain.az, Bizim media portalından verilən məlumatlara əsaslanaraq xəbər verir.
Son zamanlar cərəyan edən proseslər Avropada böhranın dərinləşdiyindən xəbər verir. Qitə ölkələri bir tərəfdən, ABŞ Prezidenti Donald Trampın təzyiqlərinə məruz qalır. Digər tərəfdən isə Rusiya son günlər Avropanı dronlarla təhdid edir.
Belə ki, Tramp Aİ-dən Rusiyaya qarşı sanksiyalarda cidid olaraq ondan neft və qaz alışını dayandırmağı tələb edir. Üstəlik qitə ölkələrinə qarşı gömrük rüsumları tətbiq edəcəyini bəyan edir. Bundan əvvəl isə, ABŞ Prezidenti NATO-nun Avropa qanadından hərbi xərcləri artırmağı tələb edib ki, onun da nəticəsində artıq əksər qitə ölkələri hərbi xərclərini ÜDM-nin 5 faizinə qaldırmağa başlayıblar. Bir sözlə, Avropa daim Trampın təzyiqləri altındadır.
Rusiya isə Polşa və Rumıniyaya PUA hücumları ilə Avropanın təhlükəsizliyinin standartlara cavab vermədiyini ortaya qoydu. Belədə hazırda “köhnə qitə”ni Rusiya ilə müharibəyə cəlb olunmaq qorxusu bürüyüb.Baş verənlər fonunda lazımi tədbirlər görülməsə, “köhnə qitə”nin çöküşünə gətirib çıxara bilər.Mövzu ilə bağlı Bizim.Media-ya açıqlama verən AVP sədri Fəzail Ağamalı Avropada hazırda böhran yaşansa da, onun tamamilə çökəcəyini də düşünmür. O bildirir ki, Avropa son nəticədə yaşadığı böhrandan çıxacaq:“Avropaya qarşı hazırda iki istiqamətdə böyük təzyiqlər var. Rusiya tərifindən təzyiqlə bərabər həm də təhdidlər mövcuddur. Digər tərəfdən, ABŞ Prezidenti Trampın da Avropaya təzyiqləri güclənir. Tramp bu məsələdə kifayət qədər haqlıdır. Uzun illər boyu öz təhlükəsizliyi üçün Amerikanın çiynində oturan, ona arxayın olan Avropa yeyib və piylənib.
Özünün təhlükəsizliyinə diqqət yetirməyib, NATO Avropa qanadı kimi özünün təhlükəsizliyini unudub. Rusiyanın Ukraynaya qarşı başladığı müharibə və onun Avropaya yaxınlaşması, Polşa və Rumıniyaya dron hücumları nəhayət “köhnə qitə”ni silkələyib. Tramp haqlı olaraq deyir ki, müharibə Avropada getdiyindən Rusiyanın neft-qaz ticarətinə qarşı ilk növbədə ümumavropa səviyyəsində sanksiya tətbiq olunmalıdır. Yalnız bundan sonra Amerika Avropaya yardımçı ola bilər”.
Əsasən Şərqi Avropa böhran içindədir.Partiya sədri qeyd edir ki, Avropanın yalnız şərqi ciddi çətinliklər içindədir:“Düzdür, qitədə ciddi böhran yaşanır, xüsusən də hərbi sahədə. Fransada hökumət böhranı hökm sürür. Ancaq Avropa bir tək Fransadan ibarət deyil. Macarıstan və Slovakiya Rusiyaya meyl edir. Digərləri də gözünü Almaniya, Fransa, Böyük Britaniyaya dikib. Başqa Avropa ölkələri də yoxsuldur, imkanları məhduddur. Bu zaman kəsiyində Avropanın ağır anlar keçirdiyi göz önündədir.Ancaq unutmayaq ki, müasir texnoloji imkanlara malik Avropada 500 milyon əhali yaşayır. Yəni Avropa Çin, Yaponiya, Sinqapur, Türkiyə və Cənubi Koreyanı çıxmaq şərtilə Asiya deyil. Avropanın şərqində isə problemlər, çətinliklər var. Şərqi Avropa inkişaf baxımından Mərkəzi və Qərbi Avropaya nisbətdə geri qalmağa davam edir. İndi əsas sual odur ki, Qərbi və Mərkəzi Avropa bütün qitəni düşdüyü böhrandan çıxara biləcəkmi? Bu haqda qəti fikir bildirmək çətindir”.Son anda Amerika Avropanı xilas edəcək.F. Ağamalı bu qənaətdədir ki, son anda ABŞ Avropanı Rusiyanın cənginə verməyəcək:
“Onu tək buraxmayacaq. Sadəcə olaraq, hazırda Tramp Avropanı ona görə sıxır ki, onlar da öz təhlükəsizlikləri yolunda hərəkətə keçsin və beləliklə də Amerikanın yükü bir qədər azalsın”.Rüfət Sultan, Bizim.Media
Daha ətraflı məlumat və yeniliklər üçün ain.az saytını izləyin.
