Baş ağrısı bir çox insanın gündəlik həyatında rastlaşdığı ən yaygın narahatlıqlardan biridir. Mütəxəssislər bildirirlər ki, bəzi meyvələr baş ağrısının azalmasına kömək edə bilər.
Far.Az xəbər verir ki, ən faydalı meyvələrdən biri banandır. Onun tərkibindəki yüksək maqnezium və kalium sinir sistemini sakitləşdirir, qan dövranını yaxşılaşdırır və baş ağrısının şiddətini azaldır. Xüsusilə miqren problemi yaşayan şəxslərə banan yemək tövsiyə olunur.
Bundan əlavə, qarpız və portağal kimi su tərkibi yüksək meyvələr də baş ağrısının qarşısının alınmasına təsir göstərir. Çünki orqanizmin susuz qalması baş ağrısının əsas səbəblərindən biridir.
Mütəxəssislər həmçinin qeyd edirlər ki, meyvələr dərman əvəzləyicisi deyil, lakin sağlam qidalanma və düzgün həyat tərzi ilə birlikdə istifadə olunduqda baş ağrılarına qarşı təbii dəstək rolunu oynaya bilər.
