Afrikada milyonlarla insanı təsir edən dağıdıcı tropik xəstəliklə mübarizə üçün yeni qlobal səylər Surrey Universiteti tərəfindən başladılıb.
E-saglam.az xəbər verir ki, layihə xüsusilə Səhraaltı Afrikada parazit qurdların səbəb olduğu şistosomiyazla mübarizəyə yönəlib, bu xəstəlik isə onilliklər boyu kütləvi dərman istifadəsinə baxmayaraq bir çox icmalarda davam edir.
Tədqiqatçılar mövcud müalicələrin niyə uğursuz olduğunu araşdırmaq, xəstəlik nəzarətini yaxşılaşdırmaq və onun aradan qaldırılmasına yaxınlaşmaq üçün tövsiyələr verməyi hədəfləyirlər. Layihənin həmsədri və Surrey Universitetində epidemiologiya üzrə baş müəllim Dr. Joaquin M. Prada araşdırmadan məmnun olduğunu bildirib və beynəlxalq komandanın əhəmiyyətini vurğulayıb.
Layihə qrupuna Kamerun, Fildişi Sahili, Malavi və Böyük Britaniyadan olan mütəxəssislər daxildir. Qlazqo Universitetinin tədqiqat rəhbəri professor Poppy Lamberton layihənin nəticələrinin digər təsirə məruz qalan ölkələr və Ümumdünya Səhiyyə Təşkilatı ilə paylaşılacağını söyləyib.
Layihə Wellcome Trust tərəfindən 8.1 milyon funt sterlinq maliyyə ilə dəstəklənir.
Tərcümə: Nəzrin Abbas
E-saglam.az
