"Barselona" Çempionlar Liqasının 2025/26 mövsümünün ilk turunda "Nyukasl" üzərində 2:1 hesablı qələbə qazanıb.
Moderator.az xəbər verir ki, kataloniyalıların heyətində hər iki qola ingilis futbolçu Markus Reşford imza atıb. O, ÇL-də "Barsa" forması ilə qol vuran ilk britaniyalı futbolçu olub.
Qeyd edək ki, Reşfordadək ingilislərdən yalnız Qari Lineker "Barselona"nın heyətində çıxış edib, lakin o, 1992-ci ildə turnirin yenidən formalaşmasından sonra ÇL-də oynamayıb və yalnız UEFA Kuboklar Kubokunda qol vurub.
