Bizimyol saytından alınan məlumata görə, ain.az bildirir.
Bu gün Avropa İttifaqının (Aİ) səfirləri Brüsseldə toplanaraq Rusiya Federasiyasına qarşı növbəti – 19-cu sanksiyalar paketini müzakirə edəcəklər.
Bizimyol.info xəbər verir ki, müzakirələrin əsas məqsədi Rusiyaya qarşı mövcud təzyiqləri gücləndirməklə yanaşı, Aİ ölkələrinin enerji asılılığını minimuma endirməkdir.
Avropa rəsmilərinin verdiyi məlumata görə, Avropa Komissiyası Rusiyadan enerji asılılığını aradan qaldırmağı strateji prioritet kimi müəyyənləşdirib. Bu kontekstdə, yeni sanksiyalar paketi təkcə siyasi və iqtisadi təzyiq vasitəsi deyil, həm də enerji təhlükəsizliyi strategiyasının mühüm aləti kimi qiymətləndirilir.
Aİ daxilindəki mənbələr qeyd edir ki, bu dəfə Rusiya qazına qarşı birbaşa məhdudiyyətlərin tətbiqi məsələsi də gündəmdədir. İki diplomatik mənbə bildirir ki, növbəti mərhələdə Rusiya qazına qarşı ciddi sanksiyalar nəzərdən keçirilə bilər. Bu isə Avropanın enerji bazarında mühüm dəyişikliklərə səbəb ola bilər.
Verilən məlumata görə, 19-cu sanksiyalar paketi aşağıdakı əsas istiqamətləri əhatə edəcək:
Sanksiyalardan yayınmanın qarşısının alınması: Mövcud məhdudiyyətlərdən yan keçmək cəhdlərinin qarşısını almaq üçün nəzarət mexanizmləri gücləndiriləcək;Rusiya banklarına və enerji şirkətlərinə qarşı əlavə tədbirlər: Aİ bank sektoruna və enerji sənayesinə qarşı təzyiqləri artırmağa çalışır;“Kölgə donanması”na qarşı sanksiyalar: Rusiyanın neft və digər enerji məhsullarını sanksiyalardan yan keçərək dünya bazarına çıxarması üçün istifadə etdiyi “kölgə donanması” hədəfə alınacaq;Üçüncü ölkələrə qarşı ixrac məhdudiyyətləri: Sanksiyalardan yayınmağa kömək edən ölkələrə qarşı dolayı tədbirlərin görülməsi də gündəmdədir.
Bu addımlar Aİ-nin Rusiyaya qarşı vahid mövqe sərgilədiyini və uzunmüddətli strateji maraqlarını enerji asılılığının aradan qaldırılması ilə uzlaşdırmaq niyyətində olduğunu göstərir. Eyni zamanda, Rusiya qazının Aİ ölkələri üçün getdikcə daha az əlçatan olması, enerji bazarlarında yeni təchizatçılarla əməkdaşlığı genişləndirmək ehtiyacını da gündəmə gətirir.
Analitiklərin fikrincə, yeni sanksiyalar paketi Avropa bazarında qazın qiymətinə qısamüddətli təzyiqlər göstərsə də, uzunmüddətli perspektivdə enerji müstəqilliyini təmin etmək üçün mühüm addım ola bilər.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
