Azpost saytından alınan məlumata görə, ain.az bildirir.
Alyaskada buzlaqların sürətli əriməsi nəticəsində yeni ada yaranıb.
AzPost xəbər verir ki, NASA peykləri Alsek buzlağının geri çəkilməsi fonunda “Nos-Nob” adlı dağın materikdən tam ayrılaraq su ilə əhatələnməsini qeydə alıb. Bu proses vulkanik fəaliyyətin deyil, qlobal istiləşmənin nəticəsidir.
Məlumata görə, son qırx ildə Alsek buzlağının qolları dörd kilometrdən çox geri çəkilib və geniş göl formalaşdırıb. Əvvəllər materiklə birləşik olan dağ indi hər tərəfdən su ilə əhatələnərək rəsmi şəkildə ada statusu qazanıb. NASA-nın 1984-cü və 2025-ci illərdə çəkdiyi peyk görüntüləri bu dəyişiklikləri aydın şəkildə göstərir.
Alsek buzlağı ötən əsrin əvvəlində hələ də geniş əraziyə yayılmışdı. O dövrdə onun dili Qeytvey-Nob burnuna qədər çatırdı. Lakin son onilliklərdə sürətli ərimə nəticəsində buzlaq geri çəkilib, qonşu Arlekin və Qrand-Plato buzlaq göllərinin suları da Alsek gölünü böyüdüb.
Mütəxəssislər hesab edir ki, Nos-Nobun adaya çevrilməsi 2025-ci ilin iyul-avqust aylarında baş verib. NASA-nın açıqlamasında bildirilir ki, bu dəyişikliklə buzlaq daha qeyri-sabit hala gəlib, nəticədə gölə iri aysberqlərin qopması halları çoxalıb.
Alimlərin sözlərinə görə, yeni adanın yaranması Alyaskanın cənub-şərqində buzlaqların sürətlə dağılmasının açıq göstəricisidir. Bu proses yalnız landşaftı deyil, regionun su hövzələrini və ekosistemlərini də ciddi şəkildə dəyişdirəcək.
AzPost.az
Paylaş
Hadisənin gedişatını izləmək üçün ain.az saytında ən son yeniliklərə baxın.
