Ərazi zəbt edilib... Parklanma üçün sürücülərdən ödəniş tələb olunur...
Xezerxeber.az xəbər verir ki, naməlum şəxslər tərəfindən tutulmuş ərazi qanunsuz parklanma kimi fəaliyyət göstərir. Görüntülər Ziya Bünyadov prospektinin "Koroğlu" metrostansiyasının yaxınlığına düşən hissəsindəndir.
Sürücülərin sözlərinə görə, burada əvvəllər avtomobilləri ödənişsiz park ediblər. Lakin, bir müddətdir ki, kimliyi bilinməyən şəxslər onlardan 1 manat ödəniş tələb edirlər.
Ödənişləri alan şəxsə müraciət etmək istəsək də, çəkiliş qrupumuzu gördükdə ərazidən uzaqlaşdı.
Bəzi sürücülər də qeyd etdilər ki, bu ərazinin qanuni parkinq olması daha məqsədəuyğundur.
Məsələ ilə bağlı Daxili İşlər Nazirliyinin mətbuat xidmətindən "Xəzər Xəbər"ə bildirildi ki, həmin ünvan, ərazi polis orqanları tərəfindən nəzarətə götürülüb. Qanunsuz parklanma yeri təşkil edən şəxslə bağlı profilaktik söhbət aparılmaqla barəsində qanunla nəzərdə tutulan qaydada tədbir görülüb.
Xezerxeber.az mövzu ilə bağlı daha ətraflı videomaterialı təqdim edir.
