Baku.ws saytından alınan məlumatlara görə, ain.az xəbər verir.
"Mühüm layihələrdən biri də Şimal-Cənub dəhlizi üzrə əsas xətlərdən olan Sumqayıt-Yalama dəmir yolunun yenidən qurulmasıdır. İşlərin 2025-ci il ərzində başa çatdırılması planlaşdırılır".
Bu barədə BAKU.WS-in sorğusuna cavab olaraq "Azərbaycan Dəmir Yolları" QSC-dən bildirilib.
"Sumqayıt-Yalama dəmir yolu xəttinin layihələndirilməsi işləri tamamlanıb, tikinti-quraşdırma işlərinin 93 faizdən çoxu yekunlaşıb.
Şimal-Cənub dəhlizi üzrə digər mühüm xətlərdən olan Ələt-Osmanlı-Astara dəmir yolu xəttinin enerji və rabitə-işarəvermə sistemlərinin layihələndirilməsi, yenidən qurulması və tikintisi işləri də davam etdirilir. İşlərin icrasına 2024-cü ildən başlanılıb, sözügedən işlərin 2028-ci ildə başa çatdırılması planlaşdırılır.
Ələt-Osmanlı-Astara dəmir yolu xəttinin layihələndirilməsi işlərinin 55, tikinti-quraşdırma işlərinin 34%-i yerinə yetirilib",-deyə məlumatda qeyd olunub.
Hadisənin gedişatını izləmək üçün ain.az saytında ən son yeniliklərə baxın.
