Alimlər qaraciyər xəstəliyindən ölümə səbəb olan üç amili müəyyən ediblər.
“Medicina” xəbər verir ki, Cənubi Kaliforniya Universitetinin Keck Tibb Mərkəzinin alimləri qaraciyər yağlanması olan xəstələrdə hansı amillərin ölüm riskini artırdığını aşkar ediblər.
Bu amillərə hipertoniya (riski 40% artırır), preddiabet və ya 2-ci tip diabet (+25%) və aşağı səviyyəli "yaxşı" xolesterol (+15%) daxildir.
Dünya əhalisinin üçdə birindən çoxu qaraciyərin ən çox yayılmış xroniki xəstəliyi olan metabolik əlaqəli yağlı qaraciyər xəstəliyindən (MAFLD) əziyyət çəkir. Vəziyyət orqanda artıq yağ yığıldıqda baş verir.
Üç risk faktoru xəstəliyi olan xəstələrdə ölüm riskini əhəmiyyətli dərəcədə artırır. Bunlar hipertoniya (riski 40% artırır), prediyabet və ya 2-ci tip diabet (+25%) və aşağı səviyyəli "yaxşı" xolesterindir (+15%).
"MAFLD mürəkkəb bir xəstəlikdir və bu tədqiqat bizə həkimlərin nəyə xüsusi diqqət yetirməli olduğunu anlamağa kömək edir. Hansı amillərin daha çox mənfi nəticələrə səbəb olduğunu bilmək bizə daha effektiv müalicəni inkişaf etdirməyə imkan verir" - tədqiqatın baş müəllifi hepatoloq Nora Terro qeyd edib.
Həmçinin müəyyən edilib ki, piylənmə bədən kütləsi indeksindən asılı olaraq ölüm riskini xeyli artırır: bədən kütləsi indeksi nə qədər yüksəkdirsə, risk də bir o qədər çox olur. Bundan əlavə, hər bir əlavə kardiometabolik risk faktoru ölüm ehtimalını əlavə 15% artırır.
Aygün Musayeva
