ain.az, Xalq qazeti saytından verilən məlumata əsaslanaraq xəbər yayır.
Formula-1-in dördqat dünya çempionu, “Red Bull” komandasının sürücüsü Maks Ferstappen Azərbaycan Qran-prisində qazandığı qələbəni şərh edib:
“Bizim üçün inanılmaz bir həftəsonu oldu. Moncada yarış artıq əla keçmişdi, amma Bakıda qələbə qazanmaq — bu, sadəcə fantastikadır. Maşın hər iki təkər dəsti ilə mükəmməl işləyirdi. Daim təmiz havada idik, bu da təkərləri nəzarətdə saxlamağa imkan verdi, nəticədə hər şey kifayət qədər sakit keçdi.
Əlbəttə, bu trasda heç vaxt asan olmur, üstəlik bu gün güclü külək var idi və maşını çox silkələyirdi. Amma bizim çıxışımızdan olduqca razıyam. Bu tempi saxlaya biləcəyikmi? Bunu demək çətindir. Son iki yarış bizim üçün mükəmməl keçdi, amma Sinqapur trassı tamamilə fərqlidir və yüksək aerodinamik yük tələb edir”, — Ferstappen yarışdan sonra bildirib.
Səbuhi MƏMMƏDOV
XQ
Daha ətraflı məlumat və yeniliklər üçün ain.az saytını izləyin.
