İsrailin hərbi əməliyyatları nəticəsində son 24 saat ərzində Qəzza zolağında 60-dan çox fələstinli ölüb.
Yeniavaz.com xəbər verir ki, bu barədə anklavın Səhiyyə Nazirliyi məlumat yayıb.
“Son 24 saat ərzində İsrailin zolağın müxtəlif ərazilərini bombalaması və atəşə tutması nəticəsində 61 fələstinli ölüb”, - Səhiyyə Nazirliyi bildirib.
Nazirlik həmçinin bildirib ki, bu müddət ərzində 220 fələstinli yaralanıb.
Səhiyyə Nazirliyinin məlumatına görə, 2023-cü ilin oktyabrında İsrailin Qəzzada hərbi əməliyyatlara başlamasından indiyədək anklavda 65 min 344 fələstinli həlak olub, 166 min 795 fələstinli isə yaralanıb.
