1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İranın Ali Rəhbəri Əli Xamenei ölkənin nüvə silahına ehtiyacı olmadığını və onu istehsal etməyə hazırlaşmadığını bildirib.
Oxu.Az-ın TASS-a istinadən verdiyi xəbərə görə, o bu sözləri İran xalqına televiziya müraciəti zamanı deyib.
"Nüvə silahı yaratmaq istəyən ölkələr uranın zənginləşdirilməsini 90%-ə qədər artırırlar. Bizə silah lazım olmadığına və nüvə silahından imtina etmək qərarına gəldiyimizə görə o qədər çox artırmadıq. Onu 60%-ə qədər artırdıq ki, bu da ölkəmizin qarşısında duran bəzi vəzifələri həll etmək üçün lazım olan çox yüksək, çox yaxşı bir göstəricidir", - deyə o vurğulayıb.
Xamenei qeyd edib ki, mövcud vəziyyətdə ABŞ ilə danışıqlar İrana heç bir fayda gətirmir:
"İndiki vəziyyətdə ABŞ hökuməti ilə danışıqlar, ilk növbədə, milli maraqlarımıza cavab vermir və heç bir zərərin qarşısını almır", - deyə o vurğulayıb.
