ain.az, Operativ MM saytına istinadən bildirir.
Belarusun Dövlət Sərhəd Komitəsi sentyabrın 25-də Polşa Sərhəd Mühafizəsindən sərhədin açılması ilə bağlı rəsmi bildiriş aldığını açıqlayıb.
"Operativ Məlumat Mərkəzi-OMM" xəbər verir ki, Belarus vaxtı ilə saat 01:00 radələrində iki həftədir bağlı olan Belarus-Polşa sərhədində keçid məntəqələrinin fəaliyyətinin bərpa olunacağı bildirilib.
Xatırladaq ki, Polşa sentyabrın 11-dən 12-nə keçən gecə Terespolda sərnişin keçidi, Kukurıki-Kozloviç yük daşımaları məntəqəsi, eləcə də bir neçə dəmir yolu keçidini bağlamışdı.
Qərar Baş nazir Donald Tusk tərəfindən Belarus-Rusiya hərbi təlimləri “Zapad-2025” ilə əlaqədar qəbul edilmişdi.
Polşa Daxili İşlər Nazirliyi həmin vaxt sərhədin bağlanmasının müddətsiz olduğunu, yalnız təhlükəsizlik vəziyyəti qiymətləndirildikdən sonra açılacağını bildirmişdi.
Ən son xəbərləri və yenilikləri almaq üçün ain.az saytını izləyin.
