Azertag portalından verilən məlumata görə, ain.az xəbər yayır.
Naxçıvan, 24 sentyabr, AZƏRTAC
27 Sentyabr – Anım Günü ilə əlaqədar Naxçıvan Muxtar Respublikası Kənd Təsərrüfatı Nazirliyi ağacəkmə aksiyası keçirib.
Nazirliyin mətbuat xidmətindən AZƏRTAC-ın bölgə müxbirinə bildirilib ki, şəhidlərin xatirəsinin əbədiləşdirilməsi və təbiətin qorunması məqsədi daşıyan aksiyada nazirliyin əməkdaşları dekorativ ağaclar əkiblər. Əkin işləri ilə yanaşı, mövcud yaşıllıq sahələrində abadlaşdırma və təmizlik tədbirləri də həyata keçirilib.
Aksiyanın davamı olaraq, Vətən müharibəsi şəhidlərinin məzarları ziyarət edilib, onların ruhuna dualar oxunub və məzarlar üzərinə gül dəstələri qoyulub.
Sonrakı hadisələr barədə daha çox məlumat almaq üçün ain.az saytını izləyin.
