Hazırda həbsdə olan iş adamı Adnan Əhmədzadənin həyat yoldaşı Gülsəfa Cəfərova sosial şəbəkədə izləyicilərindən iyul və avqust aylarında gələn suallara verdiyi cavablarla diqqət çəkib.
Musavat.com xəbər verir ki, o, öz “Instagram” səhifəsində tətbiqin “sual-cavab” funksiyasından istifadə edərək həyatla bağlı baxışlarını və şəxsi düşüncələrini bölüşüb.
G.Cəfərovanın cavabları qısa müddətdə sosial şəbəkə istifadəçiləri arasında maraqla qarşılanıb və geniş müzakirələrə səbəb olub.
İzləyicilərdən birinin “1 günlük pulsuz qalsanız nə edərdiniz?” sualına Gülsəfa Cəfərova belə cavab verib:
“Allaha dua edərəm, iş axtarar və sevinərəm.” Bu cavab onun həyata baxış tərzini və çətinliklər qarşısında ruhdan düşməmək prinsipini nümayiş etdirir.
Cəfərovanın sözlərindən görünür ki, o, ən ağır vəziyyətdə belə ümidsizliyə qapılmır, əksinə, dua və mübarizə ilə çıxış yolu axtarmağı, pozitiv qalmağı vacib hesab edir. Sosial şəbəkə istifadəçiləri bu fikri “mübarizə əzminin simvolu” kimi dəyərləndirib və qeyd ediblər ki, bu cavab çətin həyat sınaqları qarşısında ruhdan düşməyən qadın iradəsini ifadə edir.
Başqa bir izləyici isə ondan uğurun sirri barədə soruşub: “Sizcə uğurun sirri nədədir? Şans, alın yazısı, yoxsa çox çalışmaq?”
Gülsəfa Cəfərova bu suala da prinsipial bir yanaşma ilə cavab verib: “Çox çalışmaq və riskli olmaq. Hər şeyi dəyişmək olar bu həyatda, əsas inam və çalışmaqdır.” Bu cavab onun düşüncəsində uğurun təsadüfi deyil, məqsədyönlü və səbirli əməyin nəticəsi olduğunu göstərir. O vurğulayıb ki, həyatda şans və alın yazısı anlayışları olsa da, əsas həlledici amil insanın öz inamı və əzmlə çalışmağından asılıdır.
Qeyd edək ki, son illər sosial mediada tanınmış şəxslər izləyicilərinin suallarını cavablandırmaqla onlarla daha yaxın münasibət qurmağa çalışır və bu, geniş yayılmış bir trenda çevrilib. Adnan Əhmədzadənin həyat yoldaşı Gülsəfa Cəfərova da bu funksiyadan istifadə edərək izləyiciləri ilə fikir mübadiləsi aparır. Onun paylaşdığı cavablar hazırda da sosial media hesabında qalır və indi baxıldığında da aktual, düşündürücü və ibrətamiz görünür.
Cəfərovanın cavabları həyatın çətinlikləri qarşısında insanın möhkəm iradə göstərməsinin, dua, inam və əməyin insan taleyini dəyişdirə biləcəyinin bir nümunəsi kimi dəyərləndirilir. Onun sözləri göstərir ki, insan nə qədər çətin vəziyyətdə olsa da, ruhdan düşməməli, mübarizəni davam etdirməli və inamını itirməməlidir. Gülsəfa Cəfərovanın sadə, lakin mənalı cavabları həm də bir qadının həyat fəlsəfəsini, gücünü və inamını ifadə edən mesaj kimi sosial şəbəkələrdə rezonans doğurub.
Musavat.com
