Suriya keçid dövrü prezidenti Əhməd Əş-Şaraa Nyu-Yorkda BMT Baş Assambleyasının çərçivəsində ABŞ prezidenti Donald Tramp ilə görüşüb. Bu barədə Suriya dövlət informasiya agentliyi SANA xəbər verir.
SANA agentliyi iki foto yayımlayıb, fotolarda Əş-Şaraa birinci xanım Melaniya Trampın iştirakı ilə Trampın əlini sıxır. Agentlik görüşün təfərrüatlarını açıqlamayıb.
Bu, iki liderin may ayında Səudiyyə Ərəbistanının paytaxtı Ər-Riyadda keçirilən danışıqlardan sonra ikinci görüşü olub.
Bildirilir ki, İsrailin baş nazir Binyamin Netanyahunun Tramp və Əş-Şaraa ilə sammit çərçivəsində üçtərəfli danışıqlar aparmaq niyyəti var.
S.ELAY
XQ
