Azpolitika.az saytından əldə olunan məlumata görə, ain.az məlumat yayır.
Hökumətlərarası sazişlər çərçivəsində tədarüklər istisna olmaqla, bütün iştirakçılar üçün benzinin ixracına qoyulan qadağa ilin sonuna qədər uzadılacaq.
“AzPolitika” xəbər verir ki, bu barədə Rusiya Baş nazirinin müavini Aleksandr Novak məlumat verib. Ancaq qadağa tək benzinlə məhdudlaşmır.
Novak deyib ki, dizel yanacağının ixracına da ilin sonuna qədər qadağa qoyulacaq: "Bəli, qərar var. Benzinin ixracına qoyulan qadağanı tezliklə ilin sonuna qədər uzadacağıq və dizel yanacağının ixracına qadağa da ilin sonuna qədər tətbiq olunacaq. Bu, bizə bazarı əlavə olaraq neft məhsulları ilə təmin etməyə imkan verəcək".
O əlavə edib ki, hazırda Rusiyada guya “cüzi neft məhsulları çatışmazlığı var və bu, yığılmış ehtiyatlarla örtülür”. Lakin Novakın dediklərindən fərqli olaraq, yerdə vəziyyət kifayət qədər ağırdır.
Ukrayna PUA-larının zərbələri səbəbindən Rusiya neft emalı sənayesinin təxminən 20 faizi fəaliyyətini ya tam, ya da qismən dayandırıb. Nəticədə daxili bazarı belə yanacaqla təmin etmək çətinləşdiyindən hökumət yanacaq ixracına qadağa qoymaq məcburiyyətindəqalıb.
“AzPolitika.info”
Hadisənin gedişatını izləmək üçün ain.az saytında ən son yeniliklərə baxın.
