BAKI, 27 sentyabr. TELEQRAF
Rusiya Liberal Demokrat Partiyası (LDPR) federal büdcənin yükünü yüngülləşdirmək üçün miqrantların sosial pensiyalarının ləğvini təklif edir.
Teleqraf xəbər verir ki, LDP lideri Leonid Slutski Gazeta.ru-ya bildirib.
"Rusiya hazırda kritik an yaşayır. Hərbi, sosial, demoqrafik və digər çağırışlar - bütün bunlar böyük resurs tələb edir. Hər qəpik önəmlidir",- partiya sədri vurğulayıb.
Slutskinin sözlərinə görə, bu fonda dövlət əcnəbilərə pensiya ödəməyə icazə verir. Partiya lideri həmçinin qeyd edib ki, rusiyalı təqaüdçülər isə bu arada heç nə almırlar.
Bu baxımdan LDPR hesab edir ki, yeni gələnlər üçün “pulsuz sosial müavinətləri” ləğv etmək lazımdır.
LDP-nin təqdim etdiyi sənəddə qeyd edildiyi kimi, təklif pensiya sistemini əsassız sosial öhdəliklərdən qorumaq və büdcə yükünü azaltmaq məqsədi daşıyır.
